من طرف ذكاء شاب مغازلجي
بصراحه ما ادري اذا صارت صح ولا لا هالسالفه بس بصراحه بزمنا هذا كل شي جايز ماكو شي مستحيييل ابدااا ومثل مايقولون توقع غير المتوقع من هذا الجيل
ماطول عليكوم اترركم مع السالفه
في بنت قاعده تتسوق بمووول معروف باحدى الدول الخليجيه
مع خواتها الصغار وكان المغازلجي
اليوم متكشخ وعلى اخر طرز مثل مايقولون
واخونا ماقصر وراهم وراهم من مكان لمكان ماكو فكه لدرجة
ان صار يقول الفاظ غير لائقه من غزل وغيره
اطفشت البنت من حركاته وملاحقته
قامت اختنا عطته من ذاك السب والشتم اللي يبرد القلب
وشاف الناس قاموا يلتفتون علييه والعرق
بدا يصب منه اربع اربع
اخونا بهاللحظه
حس انه اكل هوااا وبيروح
فييها مع الهيئه والسكيووريتي
وقعد يفكر شلون يخلص نفسه من هالورطه
عاد تعرفون بنت وتصارخ بمجمع على شاب تشتغل الفزعه والرجوله عند الكل كل واحد بيثبت نفسه
شنو سوااااا اخونا الملعوووون؟؟؟؟
قام الحبيب وضرب البنت على وجهها كف وقاالها انتي
طالق
طالق
طالق
وطنشهم الناس المتجمعين حوله وبدا يمشي بسرعه كأنه مصدوووم من زوجته
ومثل ماقلنا كان مع البنت خواتها الصغار
الناس صدقت انه زوجها
فالمسكينه ( مابي اقول غبيه لانها صج فشله الواحد بمثل جذي مواقف مايعرف يتصرف من الصدمه مو بس كف الا وطالق بعد) من القهر ضلت تبكي وكانت ردة فعلها
قالتله ( انت اطلقني) بصوت عالي
هي الي قصدته انت من تكون عشان تطلقني او منو انت عشان تجذب جذي جذبه ؟!
لكن الناس فهموا ان الحبيب زوجها وصاروا الناس يهدونها
ويقولون لها حرام عليكم وين يروحون الأطفال
والله وطلع الحبيب ملعون واختنا الحلوه راحت عليها ما عرفت شلون تتصرف بهالمواقف حرام ضحك الناس عليها
معذوره ولله اكسرت خاطري حيل طالق مقدور عليها بس كف لييييييييش؟
الله يهدي الجميع ويحمينا من هالنوعيه من البشر
يخرعوووون يما منكم
